გია მელიქიშვილი სამედიცინო ცენტრ „მედიქლაბჯორჯიას“ გუნდს 2011 წლიდან შემოუერთდა. მისი განსაკუთრებული ინტერესის სფეროა პერსონალიზებული მედიცინა, რაც უკეთეს დიაგნოსტიკასა და სწორად მორგებულ მკურნალობას უზრუნველყოფს. გია მელიქიშვილი არის კეტოგენური დიეტის საქართველოს ცენტრის დამფუძნებელი (Member of International Ketogenic Diet Centers, https://bit.ly/3w8hK35). ასევე, საქართველოს მყიფე X სინდრომის ცენტრის ხელმძღვანელი (The National Fragile X Foundation`s member clinic, https://bit.ly/3w4MLVu).

აქტიურად არის ჩართული იშვიათი დაავადებების ცნობადობის ამაღლებასა და ამ დაავადების დიაგნოსტირება-მართვაში.

ფლობს სახელმწიფო სერთიფიკატს სპეციალობაში ,,ბავშვთა ნევროლოგია” და ,,კლინიკური ელექტროენცეფალოგრაფია“. ჩატარებული აქვს არაერთი ტრენინგი და მოხსენება. მონაწილეობდა მრავალ სიმპოზიუმსა და კონგრესში, გავლილი აქვს ტრენინგები და სტაჟირების პროგრამები, როგორც საქართველოში, ასევე, საზღვარგარეთ. სასწავლო კურსი ეგლესტონის ბავშვთა კლინიკის ბავშვთა ნევროლოგიის განყოფილებაში (ემორის უნივერსიტი, ატლანტა, ჯორჯია, 2006 წ.); სასწავლო კურსი გრონინგენის საუნივერსიტეტო სამედიცინო ცენტრის ნევროლოგიის დეპარტამენტში (გრონინგენი, ნიდერლანდები, 2006 წ.). არის რამდენიმე ნაშრომის ავტორი.